Agonía de Shelomo Reuben, de Margalit Matitiahu


«Agonia» (El Shamar, 1925, Salonica, Grecia), por Shelomo Reuben (Psevdonimos: Le Rever Soliaire)

Shelomo Reuben el poeta firmo sus poemas como Le Rever Solitaire en Salonica. Fue rescapado del campo de concentracion Aoshwitz. Durante la guerra perdio casi toda su creacion. Enontre sus poemas en los periodicos que tengo en mi archivo privado. Mi madre trajo con ella de Salonica muchos periodicos antes la Guerra y la ocupacion.
Durante mis invastigaciones descubre que Le Rever Soliaire es el poeta Shelomo Reuben. Lo encontre en Israel en sus ultimos dias de vida. Le amostre sus poemas. Fue un encuentro muy emocionante.

Margalit MATITIAHU

Agonia

Es la tadre… godras nuves cuvren el sielo.
la noche revistio ya su muy espeso velo,
sovre la rama, las ojas se queshan sin quedar,
todo en la natura es muerto, selensiozo
todo, mizmo mi coro no bate el malorozo,
que solo porque quiere con las ojas yorar.

todo estava calmo. ningun chico ruido
no vino despertar mi dolor, mi queshido
donde mi alma forma el imenso imperio.
Triste y abatido, canso y doloriozo
en la noche escura, mansevo malorozo,
yo me derejia verso el semiterio.

solo, abandonado en el dizierto omano,
yo demando la tomba, ma es inutele, en vano,
la vida es un misterio que devemos enyorar
la vida asemeja a un emensio lirio
que la muerte, esta tempesta, viene amatar.

en el semiterio enriva una tomba,
agoniza dulsamente una povera palomba
en medio el selensio de la natura muerta.
mi corason ansi agoniza en la nochada,
mi alma esta triste, estando estrindjada,
por la dolor que mata… la dolor que apreta.